Avropa Parlamentində qondarma erməni soyqırımı barədə qərarın qəbul edilməsində "Paralel yapı" təşkilatı (Fətullah Gülənin dövlət içərisindəki dövləti) xüsusi rol oynayıb.

Axar.az Türkiyənin "Sabah" qəzetinə istinadən xəbər verir ki, təşkilat uzun müddət Avropada və ABŞ-da erməni diasporuyla birgə Türkiyə əleyhinə lobbiçilik fəaliyyəti aparıb.

Qəzet Türkiyə düşmənliyi məsələsində təşkilatın erməni diasporundan daha radikal olduğunu yazıb.

"Soyqırım" qərarından 10 gün öncə isə Türkiyənin Xarici İşlər naziri Mövlud Çavuşoğlu təşkilat barədə xəbərdarlıq edibmiş:

"Hazırda xaricdə Türkiyəyə qarşı ən sistemli çalışan paralel quruluşdur. Türkiyəyə qarşı olan hər kəslə əməkdaşlıq edirlər. Baş konsulluqlardan və səfirliklərdən hesabatlar alırıq. Türkiyə əleyhinə kampaniya aparırlar. Müxtəlif qərarların çıxarılması üçün səy göstərirlər".