Axar.az
Yuxarı

O, hələ 50-ci illərdə öz səsini ucaltdı… - Akademik

Ana səhifə Gündəm
12 Punto 14 Punto 16 Punto 18 Punto

Sentyabrın 21-də Azərbaycan Dillər Universitetində (ADU) “Peşəkar, qeyri-peşəkar, həvəskar tərcümənin fərqlilikləri” mövzusunda onlayn elmi konfrans keçirilib. ADU və Azərbaycan Peşəkar Tərcüməçilər Assosiasiyasının birgə təşkilatçılığı ilə keçirilən konfrans Azərbaycanın görkəmli tərcüməçisi, dilçi alimi İsmixan Rəhimovun 95 illik yubileyinə həsr olunub.

Axar.az xəbər verir ki, ADU-nun rektoru, Azərbaycan Peşəkar Tərcüməçilər Assosiasiyasının sədri, akademik, xalq yazıçısı Kamal Abdulla görkəmli dilçi alim, Azərbaycanın böyük ziyalısı İsmixan Rəhimovun yubileyinin qeyd olunduğunu diqqətə çatdırıb. O, bu gün İsmixan Rəhimovun əməllərinin, zəhmətinin yetişdirdiyi tələbələrdə özünü göstərdiyini deyib.

Rektor İ.Rəhimovun əziz xatirəsinin qəlblərdə yaşayacağını vurğulayıb:

“O, çox mərd insan idi. Azərbaycanın demokratik yolda inkişafı üçün ilk bayraq qaldıranlardan biri olub. 50-ci illərdə İsmixan müəllimin səsi siyasi arenalardan gəldi, siyasi müstəvidə səsləndi. İsmixan müəllim, başqa bizim görkəmli ziyalılarımız Azərbaycan dili, ölkənin təbii sərvətləri, burada gedən sosial-siyasi proseslərlə bağlı öz səslərini ucalda bildilər”.

Kamal Abdulla dilçi alimin öz mübarizəsini daha sonra başqa istiqamətdə - tələbə auditoriyasında, elmi şuralarda davam etdirdiyini qeyd edib. İsmixan Rəhimovun universitetlə yanaşı, digər elm ocaqları ilə əlaqələrinin mövcud olduğunu söyləyən akademik Kamal Abdulla onun elmi fəaliyyətindən, potensialından digər bölgələrdəki universitetlərin də faydalandığını diqqətə çatdırıb:

“Onun tələbələri bu gün yalnız bizim universitetin deyil, digər universitetlərin də aparıcı müəllimləridir. İsmixan müəllimə rəhmət diləyirəm. Dillər Universiteti öz vətənpərvər, millətçi, xalqsevər fədailərinin xatirəsini yaşatmağı bacarır”.

Ali təhsil ocağının rəhbəri Azərbaycan Peşəkar Tərcüməçilər Assosiasiyasının yaranması haqqında danışıb. Adıçəkilən qurumun artıq fəaliyyətə başladığını deyən rektor hər kəsi Assosiasiya tərəfindən həyata keçirilməsi planlaşdırılan layihələrdə yaxından iştirak etməyə çağırıb:

”Assosiasiyanın əsas fəaliyyət nöqtələrindən biri Azərbaycan dilindən başqa dillərə tərcüməni sistem halına gətirməkdir. Müstəqil Azərbaycan üçün ideoloji sahədə ən vacib məsələlərdən biri tərcümənin Azərbaycan dilindən başqa dillərə edilməsinin təşkilatçılığını və sistemli fəaliyyətini qurmaqdır. Azərbaycan dilində yaradılan bədii, mənəvi, ictimai-siyasi ədəbiyyatı, Azərbaycanda gedən prosesləri dünya xalqlarına öz dillərində çatdırmaq böyük təşəbbüsdür. Bu şəkildə Azərbaycan özünü dünya xalqları sırasına rahat şəkildə, daha əminliklə qoya bilər”.

Rektor Kamal Abdulla bu Assosiasiyanın məhz Dillər Universitetinin kadr və texniki-təchizat bazasında yaradılmasının dövlət orqanları və ictimai-təşkilatlar tərəfindən ümid və inam olduğunu göstəricisi olduğunu qeyd edib.

ADU-nun professoru Qılıncxan Bayramov İsmixan Rəhimov və onun əvəzolunmaz fəaliyyəti haqqında danışıb. O, İsmixan Rəhimovun adına auditoriyanın yaradılmasının universitetin onun xatirəsinə hörmətinin ifadəsi olduğunu deyib.

Konfransa Türkiyədən qoşulan Azərbaycan və Türkiyə Yazıçılar Birliyinin üzvü, Azərbaycanın çoxsaylı əsərlərinin türk dilinə uyğunlaşdırıcısı İmdad Avşar Azərbaycan Peşəkar Tərcüməçilər Assosiasiyasının yaradılmasında əməyi keçən hər kəsi, həmçinin ADU heyətini təbrik edib.

Şair Zakir Fəxri İsmixan Rəhimovla olan xatirələrini paylaşıb. O, Azərbaycan Peşəkar Tərcüməçilər Assosiasiyasının gələcək fəaliyyət istiqamətləri haqqında fikirlərini səsləndirib.

Konfrans mövzu ətrafında müzakirələrlə davam edib.

Tarix
2020.09.21 / 21:12
Müəllif
Axar.az
Şərhlər
Digər xəbərlər

İşğaldan azad olunan rayonlarda məntəqələr quruldu - Foto

Erməninin cəbhədəki aktyoru da məhv edildi

MN: Qafanın atəşə tutulması xəbəri yalandır

Bu gün Azərbaycan Ordusu uğur qazandı – Ovannisyan

Ərazilərimizin işğalına son qoyulacaq - Əmirbəyov

Düşmənin kabusuna çevrilən minaatanımız - Video

Arasdan Prezidentə: Sürətlə irəliləməyinizi qürurla izləyirəm

Tailandda Gəncə və Bərdə terrorunun qurbanları anıldı

Ordumuz əməliyyat şəraitinə tam olaraq nəzarət edir - MN

Azad edilən ərazilərdə sosial proqramlar icra olunacaq - Nazir

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla