Axar.az
Yuxarı

Axar.Az Logo

Ermənistanın törətdiyi vandalizm və barbarlıq... - Kamran İmanov

Ana səhifə Gündəm
12 Punto 14 Punto 16 Punto 18 Punto

Cari il oktyabrın 20-21-də Moskva şəhərində Rusiya Federasiyasının Əqli Mülkiyyət üzrə Federal Xidməti (Rospatent) tərəfindən "Müasir şəraitdə əqli mülkiyyət sahəsinin transformasiyası" mövzusunda XXIV beynəlxalq konfrans keçirilib.

Azərbaycan Respublikası Əqli Mülkiyyət Agentliyindən Axar.az-a verilən məlumata görə, Əqli Mülkiyyət Agentliyinin İdarə Heyətinin sədri Kamran İmanov belə bir mötəbər beynəlxalq forumda iştirak etmək üçün dəvət olunduğuna görə təşəkkür edərək, bunu Rusiya və Azərbaycan xalqları arasındakı sıx dostluq əlaqələri, Rusiya Federasiyası ilə Azərbaycan Respublikası arasındakı dövlət münasibətlərinə xarakterik olan strateji tərəfdaşlığı bir daha təsdiqləyən fakt kimi qitmətləndirib.

K.İmanov çıxışında xalqımız üçün bu an ən vacib məsələyə - Ermənistanın 30 ilə yaxın müddətdə Azərbaycan ərazilərini işğal etməsinə və ölkəmizə qarşı başladığı yeni hərbi təxribat məsələsinə xüsusi diqqət yetirib.

Agentliyin rəhbəri Rusiyanın səyləri nəticəsində atəşkəsin əldə edilməsinə baxmayaraq, bir gün keçməmiş Ermənistan silahlı qüvvələrinin ölkəmizin sıx məskunlaşmış yaşayış məntəqələrini və mülki infrastrukturu atəşə tutmağı davam etməsini diqqətə çatdıraraq, gecə vaxtı ölkənin ikinci böyük şəhəri Gəncəyə endirilmiş raket zərbəsinin hərbi cinayət olduğunu deyib.

Ermənistan ərazisindən atılan ballistik raketin 10 nəfərin ölümünə və 35 nəfərin yaralanmasına səbəb olduğunu, həmin şəhərə edilmiş növbəti raket zərbəsi nəticəsində isə 13 nəfərin həlak olduğunu və 50 nəfərdən artıq şəxsin yaralandığını konfrans iştirakçılarının diqqətinə çatdıran K.İmanov, bildirib: “Bu, mülki əhaliyə qarşı törədilən terrordur, xarici diplomatların şahidi olduqları vandalizm və barbarlıq hərəkətlərin nəticələri BMT Baş katibi və Avropa İttifaqı tərəfindən pislənilib. Bu, insanlığa qarşı cinayətdir.”

Qeyd edək ki, beynəlxalq konfransda dünyanın 26 ölkəsindən və Rusiyanın 59 bölgəsindən 600-dən çox nümayəndə iştirak edir. İştirakçılar arasında Ümümdünya Əqli Mülkiyyət Təşkilatı, Avropa Patent İdarəsi, xarici ölkələrin dövlət qurumları və patent idarələri, ictimai təşkilatların və biznes dairələrinin nümayəndələri də var.

Tarix
2020.10.21 / 18:25
Müəllif
Axar.az
Şərhlər
Digər xəbərlər

Sürünə-sürünə getdim və gördüm ki, o, şəhid olub - Qazi

Ermənistan bu ərazidə sərhədi 8 km geri çəkdi

Ermənilər burdan hücum gözləyirdi, Bakı isə... - Korotçenko

Duqindən Əliyev və Qarabağla bağlı möhtəşəm şərh

İtkin və əsirlərin siyahısı Qırmızı Xaç Komitəsinə verildi

Qardaşım Əliyevin fransızlara verdiyi tövsiyə... - Ərdoğan

Ermənilərin qənimi: Düşməni dəhşətə salan XTQ - Video

Rusiya Ərdoğanın bəyanatına sərt cavab versəydi... – Duqin

Onların qarşısında baş əyirəm - Mehriban Əliyeva

Onlar Quranı götürərək ayaqyalın mehraba getdilər - Şeyx

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla