10:38

Ali Baş Komandan Füzuli, Hadrut, Cəbrayıl, Zəngilan, Qubadlı ilə yanaşı, Kəlbəcər rayonunun bir hissəsinin işğalçılardan azad edildiyini bəyan etdi. Çox sevindirici xəbərdir.

Axar.az xəbər verir ki, bu sözləri millət vəkili, iqtisadçı-alim Vüqar Bayramov deyib.

O bildirib ki, ərazi baxımdan Azərbaycanın ən böyük rayonu olan Kəlbəcər hərbi-strateji əhəmiyyətə malikdir:

“Tarixi günlər yaşayırıq. Bu günlər heç zaman xatirəmizdən silinməyəcək. İnanırıq ki, Ali Baş Komandanımızın rəhbərliyi ilə qısa zamanda işğal altında olan bütün torpaqlarımız, o cümlədən Kəlbəcər rayonu işğaldan tamamilə azad olunacaq.

Beynəlxalq arenada da Azərbaycan son günlərdə siyasi uğurlar əldə etdi və BMT-nin Təhlükəsizlik Şurasında ölkəmizə qarşı olan qərəzli layihə rədd edildi. Bununla yanaşı döyüş zonasında da uğurlarımız davam edir.

Tezliklə bayrağımızın Şuşadan Bakının Azadlıq meydanına gətiriləcəyinə inanırıq!

Qarabağ Azərbaycandır!”