Azərbaycan ordusu ikinci Qarabağ müharibəsi zamanı pilotsuz uçuş aparatlarının istifadəsində böyük uğurlar əldə edib.

Axar.az xəbər verir ki, bu barədə Avstraliyanın "The Cove" saytında dərc olunan məqalədə deyilir.

"Avstraliya quru qoşunlarının pilotsuz uçuş aparatları ilə müharibədə həssaslığı" adlı məqalədə qeyd olunur ki, Avstraliyanın quru qoşunları PUA təhdidinə kifayət qədər çevik reaksiya potensialına malik deyil:

"Qarabağ müharibəsində Ermənistanın çoxsaylı itkiləri quru qoşunlarının pilotsuz uçuş aparatları ilə gücləndirilmiş qüvvələrə qarşı reaksiya verə bilmədiyini göstərir".

Məqalə müəllifləri qeyd edir ki, Azərbaycan müharibə dövründə iki tip PUA-dan istifadə edib və onların istifadə üsulları müasir döyüş məkanında öz yerini tutub:

"Onların iki əsas xüsusiyyəti var. Birincisi, bu aparatlar səmərəlidir, ikincisi isə, onları hava hücumundan müdafiə sistemləri ilə məhv etmək asan deyil".