Ana səhifə Gündəm |
Parlament seçkilərində AKP-nin təkbaşına iqtidar olması üçün lazım olan qədər səs toplamaması İsraildə böyük coşğuya səbəb olub.
Axar.az xəbər verir ki, Tel-Əvivə illərdir Fələstin torpaqlarında işğal siyasəti yürütdüyü və on minlərlə fələstinlini qətlə yetirdiyi üçün ən sərt reaksiyanı göstərən Ərdoğan hökumətinin məğlubiyyəti bu ölkənin sevinc göz yaşlarına qərq olması ilə davam edir.
Seçim nəticələrini anbaan yayımlayan İsrail mediası qeyri-rəsmi nəticələrin ardından ölkəni təbrik edib.
Baş nazir Binyamin Netanyahuya yaxınlığı ilə tanınan "İsrael Today" qəzeti seçkilərin nəticəsi olaraq xalqın Ərdoğana "xeyr" dediyini bildirib. Sözügedən qəzet "İstanbula dönürük" başlıqlı yazıda Türkiyədəki seçkilərə ilk üç səhifəni ayıraraq "Ərdoğan getdi, indi daha güclüyük" ifadələrinə yer verib.
AKP-nin iqtidarda olduğu dövrdə yəhudilərin Türkiyədə qorxu içində yaşadığını deyən qəzet HDP-nin məclisə girməsiylə yeni dövrün başlandığını qeyd edib.
Netanyahuya yaxın qəzet İsrailli turizm firması olan "Over Tour"un başçısı Yehuda Zefarninin sözlərinə yer verərək Türkiyəyə gedən vətəndaşların sayının önümüzdəki dövrdə inanılmaz dərəcədə artacağını, təkcə bu il ərzində 100 min yəhudinin Türkiyəyə gedəcəyini açıqlayıb.
Tarix
2015.06.08 / 19:00
|
Müəllif
Şəmsəddin Ənsar
|