Yuxarı

Qarabağda 5 milyon mina basdırılıb – Kuznetsov

Ana səhifə Gündəm
12 Punto 14 Punto 16 Punto 18 Punto

Ermənistan tərəfindən mina xəritələrinin verilib-verilməməsi vəziyyəti dəyişməyəcək. Hərbi mütəxəssislərin hesablamalarına görə, ermənilər 30 il ərzində Qarabağ ərazisində 4-5 milyon mina basdırıb.

Bunu Axar.az-a açıqlamasında məşhur rusiyalı tarixçi Oleq Kuznetsov deyib.

Onun sözlərinə görə, bu qədər minanın xəritələşdirilməsi praktiki olaraq mümkün deyil:

“Hərbi əməliyyatlar başa çatdıqdan sonra erməni qüvvələri Azərbaycanın ayrı-ayrı rayonlarını (Laçın və Kəlbəcər) tələm-tələsik şəkildə tərk edərkən hara gəldi minaları basdırıblar və təbii ki, heç bir şey xəritələşdirilməyib. Həmin iki həftə ərzində erməni hərbçiləri tərəfindən basdırılan minaların sayını qiymətləndirsək, orada təxmini 100-200 min minanın olduğunu deyə bilərik. Buna görə də Ermənistan minalanmış ərazilərin xəritələrini versə də, onlara güvənmək olmaz. İstənilən halda azərbaycanlılar özləri bir-bir minaları tapıb çıxarmalı olacaqlar”.

Kuznetsov bildirib ki, 44 günlük müharibə dövründə Ermənistan ordusunun bir çox qərargahı, o cümlədən şəxsi heyət və bütün sənədlər Azərbaycan Silahlı Qüvvələrinin zərbələri ilə məhv edilib. Odur ki, İrəvanın mina xəritələri olmaya da bilər:

“Lakin Ermənistan tərəfinin Azərbaycanla bu məsələdə əməkdaşlığa getməməsi və bununla bağlı əllərində olan bütün sənədləri verməməsi Ermənistanın hərbi-siyasi rəhbərliyinin hələ də “darmadağın edilməmiş erməni ordusu” xülyasının mövcud olduğunu və guya onu bərpa etmək imkanının olduğunu göstərir. Onların məqsədi “intiqam”a nail olmaq üçün müharibəni bərpa etməkdir.

Bu cür fikirlər Ermənistan siyasi elitasının müəyyən hissəsi və ya bu ölkə daxilində ayrı-ayrı qruplar tərəfindən dəstəklənir. Həmin qruplaşmalar müharibədən əvvəlki vəziyyəti geri qaytarmaq arzusundadırlar".

Tarix
2021.06.04 / 18:20
Müəllif
Əli, Fatimə
Digər xəbərlər

Nazir Rahim Hüseynova yüksək vəzifə verdi

Kapital Bank bu tələbələr üçün təqaüd proqramına start verdi

Əli Əsədov Pakistanın neft naziri ilə görüşdü

İlham Əliyev Con Ardilli qəbul etdi

Prezident 1 sərəncam, 1 fərman imzaladı

Prezident Olivye Le Peşi qəbul etdi

İlham Əliyev Bakı Ekspo Mərkəzində... - Foto

İlham Əliyev Pakistanın neft nazirini qəbul etdi

Sabah Bakıda mühüm konfrans baş tutacaq

Prezident Məhəmməd Əbunəyyanı qəbul etdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla