Axar.az
Yuxarı

Oqtay Əsədov Albert Friklə görüşdü - Foto

Ana səhifə Gündəm
12 Punto 14 Punto 16 Punto 18 Punto

Milli Məclisin sədri Oqtay Əsədov ölkəmizdə səfərdə olan Lixtenşteyn parlamentinin spikeri Albert Friklə görüşüb.

Milli Məclisin mətbuat xidmətindən Axar.az-a verilən məlumata görə, O. Əsədov bildirib ki, bu səfər iki ölkə arasında parlamentlər səviyyəsində əlaqələrin inkişafına yeni impuls verəcək.

"Biz qanunverici orqanlar arasında əməkdaşlığın dərinləşməsinə, nümayəndə heyətlərinin qarşılıqlı səfərlərinə böyük önəm veririk. Hesab edirik ki, siyasi əlaqələrimizin dərinləşməsi iqtisadi münasibətlərimizə də öz müsbət təsirini göstərəcək. Lixtenşteyndə kiçik şirkətlərin fəaliyyəti üçün yaradılmış şərait Azərbaycan üçün də maraqlıdır".

O. Əsədov bu səfərin I Avropa Oyunlarının keçirildiyi dövrə təsadüf etdiyini bildirərək, belə mötəbər tədbirin Azərbaycanda keçirilməsindən ölkə ictimaiyyətinin fərəh duyduğunu söyləyib. O qeyd edib ki, tədbirə ev sahibliyi edən Azərbaycan qısa zaman kəsiyində yüksək standartlara cavab verən müasir idman qurğuları yaratmağa nail olub. Bu infrastruktur gələcəkdə də mötəbər idman yarışlarının keçirilməsinə yaxşı əsaslar yaradır. Spiker ümidvar olduğunu bildirib ki, səfər çərçivəsində qonaq Bakıdakı müasir idman qurğuları ilə tanış olmağa imkan tapacaq, I Avropa Oyunlarının bağlanış mərasimində iştirak edəcək.

A. Frik isə Azərbaycanda gördüyü qonaqpərvərlikdən məmnun olduğunu söyləyib. O, I Avropa Oyunlarının keçirildiyi günlərdə Bakıya səfər etməsini buradakı müasir idman tikililəri ilə tanış olmaq üçün bir fürsət kimi dəyərləndirib. A. Frik ölkəsini təmsil edən idmançıların Bakıda onlar üçün yaradılmış şəraitdən razı qaldıqlarını qeyd edərək, bir sıra yarışları və Oyunların bağlanış mərasimini izləmək fikrində olduğunu vurğulayıb.

Söhbət zamanı parlamentlərarası əlaqələrin inkişafı, siyasi, iqtisadi sahələrdə münasibətlərin gələcək inkişaf perspektivləri və tərəfləri maraqlandıran digər məsələlər ətrafında fikir mübadiləsi aparılıb. Görüşdə Milli Məclisin Sosial siyasət komitəsinin sədri Hadi Rəcəbli, ölkəmizin Lixtenşteyndəki səfiri Əkrəm Zeynallı və digər rəsmi şəxslər iştirak ediblər.

Tarix
2015.06.27 / 19:37
Müəllif
Axar.az
Şərhlər
Digər xəbərlər

Dərslər başladı: həftə sonları avtobuslar niyə açılmır? - Deputat

Bu ordunun qarşısında heç kim dayana bilməzdi – Xaindrava

Eldar Həsənovun qızı Mehriban Əliyevaya müraciət etdi

Bayramov polşalı həmkarına erməni təxribatından danışdı

Burada sakinlər ölülərlə birgə yaşayırlar - Foto

ASAN xidmət "Baykar Makina" ilə araşdırma mərkəzi yaradır

O, vasitəçilik edir: Ərdoğanla Nikol harda görüşəcək?

Gürcüstanlı jurnalist və ekspertlər Şuşada - Foto

Ombudsmandan tapşırıq: Şəhid ailələri ziyarət edildi

GUAM XİN-in 37-ci iclasının protokolu qəbul edildi

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla