Yuxarı

Bu ordenə ilk dəfə Ruhi Əliyeva layiq görüldü - Video

Ana səhifə Gündəm
12 Punto 14 Punto 16 Punto 18 Punto

“Liatris Holding”in rəhbəri, iş xanımı Ruhi Əliyeva nüfuzlu mükafatlara layiq görülüb.

Axar.az News24.az-a istinadən xəbər verir ki, mükafatlandırma mərasimi “Liatris Holding”də baş tutub.

İsveçrənin Cenevrə şəhərində fəaliyyət göstərən “UN Council for Public Awards” (UNCOPA) təşkilatı 10 yanvar 2022-ci il, 146 saylı qərarla insanlığa, dünya mədəniyyətinə və iqtisadiyyatına xidmətlərinə görə Ruhi Əliyevanı Avropa “Şərəf” ordeni ilə təltif edib.

Həmçinin, Türkiyənin Ankara şəhərində fəaliyyət göstərən Türk Dünyası Araşdırmaları Beynəlxalq Elmlər Akademiyası iş xanımı Ruhi Əliyevaya ötən ilin yekunlarına görə “Türk Dünyasında ilin iş adamı” fəxri adını verərək “Altın Yıldız” medalına layiq görüb.

Mükafatları Ruhi Əliyevaya təqdim edən Türk Dünyası Araşdırmaları Beynəlxalq Elmlər Akademiyasının və İsveçrənin Cenevrə şəhərində fəaliyyət göstərən Birləşmiş Millətlər Sosial Təltiflər Şurasının Azərbaycan təmsilçisi, professor Elçin İsgəndərzadə açıqlamasında təəssüratını bölüşüb.

O, əvvəlcə təşkilat və fəaliyyəti barədə məlumat verib: “2009-cu ildən Azərbaycan İsveçrənin Cenevrə şəhərində fəaliyyət göstərən “UN Council for Public Awards” (UNCOPA) təşkilatının tamhüquqlu üzvlüyünə qəbul edilib. BMT-nin üzvü olan 150-ə yaxın ölkə bu təşkilatda yer alır. Qurumun əsas məqsədi dünya insanlığına xidmət göstərən şəxslərin əməklərini dəyərləndirib, müxtəlif fəxri adlar, orden və medallarla təltif edərək dünya ölkələri arasında onların işlərini nümunə kimi təbliğ və təşviq etməkdir. 12 il ərzində həm ölkəmizdə, həm də ölkəmizin sərhədlərindən kənarda fəaliyyət göstərən 30 nəfər müxtəlif peşə sahibi olan azərbaycanlı – dövlət, elm, mədəniyyət, incəsənət, təhsil xadimləri, iş adamları və digərləri bu qurumun nominasiyaları üzrə qalibləri olub”.

O qeyd edib ki, Ruhi Əliyeva insanlığa, dünya mədəniyyətinə və iqtisadiyyatına xidmətlərinə görə Avropa “Şərəf” ordeni ilə təltif edilib: “Bu orden Azərbaycanın müstəqillik və ondan öncəki tarixlərində ilk dəfə olaraq Ruhi Əliyeva üçün təltif olunub. Çox böyük qürur və sevinc hissi ilə həmin mükafatı Ruhi Əliyevaya təqdim etdim”.

Professor ikinci mükafat barədə isə bu fikirləri bölüşüb: “Türkiyənin Ankara şəhərində fəaliyyət göstərən Türk Dünyası Araşdırmaları Beynəlxalq Elmlər Akademiyası ötən ilin yekunlarına görə Ruhi Əliyevaya “Türk Dünyasında ilin iş adamı” fəxri adını verərək “Altın Yıldız” medalına layiq görüb. Ruhi xanım uzun illərdir Azərbaycan mədəniyyətinə, incəsənətinə, iqtisadiyyatına önəmli xidmətlər göstərib. Onun Azərbaycan və dünya insanlığına çox kübarca, heç bir qarşılıq gözləmədən, ürəyinin sevdası və hökmü ilə etdiyi xeyriyyəçilik fəaliyyətləri bizim gözümüzün önündə olub. Ruhi Əliyevanın bütün fəaliyyətləri bizim üçün dəyərlidir. Biz ürəklə onun gördüyü işlər barəsində danışırıq.

Protokol olaraq təltif “2021-ci ilin yekunlarına görə” yazılır. Ancaq Ruhi xanımın türk dünyasının işgüzar xanımı olması bir ilin nəticəsi deyil. 2021-ci ildən əvvəlki illərin xidmətləri də bu mükafatın Ruhi Əliyevaya verilməsində böyük rol oynayıb”.

Tarix
2022.01.21 / 19:07
Müəllif
Axar.az
Şərhlər
Digər xəbərlər

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla