Ana səhifə Gündəm |
Parlament seçkilərində bu dairədən YAP-ın üç namizədi var.
Axar.az-ın məlumatına görə, 87 saylı Ağsu-İsmayıllı Seçki Dairəsindən hakim partiyanın vahid namizədi Əlyunis Mütəllimovdur. Deputatlığa iddialı Ə.Mütəllimov Dövlət Sosial Müdafiə Fondunun Ağsu rayon şöbəsinin müdiridir.
YAP-dan digər namizədlər isə "Real press" qəzetinin baş redaktoru Raqif Əsgərov və Sutikinti ASC-də hüquqşünas işləyən Vidadi Məmmədovdur. Hər üç YAP üzvünün namizədliyi rəsmiləşib.
Sözügedən dairədə maraqlı namizədlərdən biri isə Vəhdət Partiyasının sədri Tahir Kərimlidir. Onunla yanaşı, Muğanbank ASC-nin Şəki filialının müdiri Sahib Daşdəmirov da seçkiyə qatılıb.
Heydər Əliyev adına Neft Emalı zavodunda maşinist işləyən Zəka Şikarlı və Miras İctimai Birliyinin sədri Fariz Xəlilli də millət vəkilli olmaq üçün mübarizəyə qoşulub.
Habelə, Emin Babayev və Amil Hüseynov adlı müstəqil namizədlər də artıq bu dairə üzrə qeydə alınıb. Onların işsiz olduğu qeyd edilib.
Qeyd edək ki, Azərbaycanda parlament seçkiləri noyabrın 1-də keçiriləcək.
Tarix
2015.10.01 / 23:35
|
Müəllif
Emil Salamoğlu
|