Yaxın Şərqdə cərəyan edən hadisələr dağıdıcı hal ala bilər.

Bu barədə Axar.az-a açıqlamasında politoloq İlqar Vəlizadə danışıb. Ekspert Yaxın Şərqlə bağlı iki mühüm məqama diqqət çəkib:

"Hazırda iki böyük koalisiya formalaşır. Birinci cəbhədə Rusiya və müttəfiqləri - İran, İraq, Hizbullah təşkilatı və Əsəd tərəfdarları, ikinci cəbhədə isə ABŞ və müttəfiqləri, Azad Suriya Ordusu (ASO), Səudiyyə, Qətər, şərti olaraq Türkiyə yer alır. Vəziyyət qeyri-müəyyənləşir, bütün hallarda Yaxın Şərqdə cərəyan edən proseslər dağıdıcı hal ala bilər. Hazırda vəziyyət o nöqtəyə çatıb ki, artıq bunun geri dönüşü yoxdur. Proseslər məcrasından çıxıb və təhlükə yaxınlaşır. Rusiya hazırda Amerikanın yolunu gedir. Ancaq bu, Rusiya və region üçün də asan məsələ deyil. Çünki Rusiya bir növ İŞİD-in məhvinə yönəlik koalisiyanın başında durur. Kreml hazırda çox böyük bir təhlükə ilə üz-üzədir. Rusiya qoşunları Suriyada uzun müddət qalarsa, böyük itkilərlə üzləşə bilər. Bir sözlə, siyasi risklərin artacağı gözlənilir".