Rusiya təyyarələri təkcə Türkiyə sərhədini yox, həm də NATO sərhədini pozub.

Axar.az xəbər verir ki, bunu BBC radiosuna açıqlamasında türkiyəli millət vəkili Sinan Oğan söyləyib. Onun sözlərinə görə, bu hadisə Rusiya-Türkiyə münasibətlərini pozacaq:

"Rusiya təyyarələrini birbaşa vurmaq mümkün deyil. Çünki bunlar Rusiya-Türkiyə münasibətlərini tamam başqa səviyyəyə gətirib çıxara bilər. Əvvəlcə danışıqlar masasına oturub, Rusiyanı xəbərdar etməli, sonra situasiyanın təkrarı zamanı cavab addımı atmalıyıq. Rusiya Türkiyə, Qətər və Səudiyyə Ərəbistanının dəstəklədiyi müxalifət qüvvələrini vurur. Bu zərbələr faktiki olaraq, Rusiyanın Türkiyə şəhərlərindən birinə hücum etməsi deməkdir. Əgər Rusiya bu tərzdə siyasətini davam etdirsə, Ankaranın cavabı çox sərt olacaq".