Tvitter sosial şəbəkəsi Ankaradakı partlayışı öncədən bildirən iki hesabla bağlı məlumatları Türkiyəyə verməkdən imtina edib.

Axar.az xəbər verir ki, Türkiyənin Telekommunikasiya nazirliyi Tvitter rəhbərliyindən həmin iki hesabın İP adresini tələb edib.

Lakin Tvitter rəhbərliyi məlumatların gizliliyini əsas gətirərək İP adresləri verməkdən imtina edib.

Bu qərardan sonra Türkiyədə Tvitterin girişinə qadağa qoyulması məsələsi gündəmə gəlib.

Qeyd edək ki, Tvitterdə iki hesab Ankarada partlayış olacağı ilə bağlı əvvəlcədən məlumat yayıb.

Xatırladaq ki, oktyabrın 10-da Türkiyənin paytaxtı Ankara şəhərində baş verən terror aktında 100-ə yaxın insan ölüb, 200-dən çox insan isə yaralanıb.