Türkiyənin "Anadolu Agentliyi" Azərbaycanda baş tutan parlament seçkiləri haqda beynəlxalaq müşahidəçilərin fikirlərini yayıb.

Axar.az xəbər verir ki, agentlik müşahidəçilərin təəssüratlarına istinadən Azərbaycanda parlament seçkilərinin ədalətli mühitdə, demokratik, şəffaf və beynəlxalq standartlara uyğun keçdiyini yazıb.

TürkPA müşahidə missiyası Azərbaycandakı seçkilərin demokratik olduğunu bəyan edib. Bəyanata əsasən, seçkilər qanunvericiliyə tam uyğun keçirilib.

Qara Dəniz İqtisadi Əməkdaşlıq Təşkilatı da seçkilərin şəffaf və azad keçirildiyini bəyan edib.

GUAM da öz növbəsində seçilərin qanunvericiliyə uyğun şəkildə, beynəlxalq standartlar səviyyəsində baş tutduğunu açıqlayıb.

Avropa Seçki Akademiyasının bəyanatında da xırda texniki problemləri çıxmaq şərtilə seçkilərin demokratik prinsiplər çərçivəsində keçirildiyini bildirib.

AŞPA müşahidə missiyası isə xırda poblemləri qeydə edərək, seçkiləri yüksək qiymətləndirib. MDB müşahidə missiyasının qiyməti isə daha yüksək oldu. Onlar cidd qanun pozuntusun rast gəlmədiklərini, seçkilərin şəffaf şəkildə başa çatdığını vurğulayıblar.

Türkdilli Ölkələrin Əməkdaşlığı Birliyinin (Türk Birliyinin) sədr müavini Ömər Qocaman Anadolu-ya açıqlamasında bildirib ki, seçicilərin marağını və demokratik seçki prosesini öz gözləri ilə görüb: "Vətəndaşların azad iradəsi bülletenlərdə öz əksini tapdı".

Seçkiləri müşahidə edən Mərmərə Qrupu Strateji və Sosial Araşdırmalar Vəqfinin müşahidə qrupunun sədri Akkan Suver Azərbaycandakı seçkilərin Qərb standartlarına uyğun keçirildiyini bildirib.

"Bundan əvvəl biz Bolqarıstan və Yunanıstanda seçkilərin müşahidəsini aparmışdıq. Azərbaycanda seçkilər yüksək səviyyədə keçirildi. Seçkilərdə şəffaflıq açıq şəkildə hiss olunurdu. Heç bir insident qeydə alınmadı", - deyə A. Suver qeyd edib.