Ana səhifə Gündəm |
Qərblə İran arasında müşahidə olunan canlanma nikbinliklə bərabər, həm də suallar doğurur.
Bu barədə Axar.az-a politoloq Tofiq Abbasov açıqlamasında deyib. Onun sözlərinə görə, İranın Qərblə münasibətlərindəki yeni mərhələ regiondakı vəziyyətə və qlobal geosiyasi duruma köklü dəyişiklik gətirəcək:
"Belə gedişat müəyyən mənada qarşıdurma meyillərini bir qədər yüngülləşdirəcək. Lakin Qərb-İran xəttində qeydə alınan stabilləşmənin nə qədər davamlı olması bir qədər müəmma doğurur. Çünki Amerika və Avropa siyasi dairələrində bəzi qruplar Tehranla münasibətlərin bərpasından heç də məmnun deyillər. Bir çox məsələlərə aydınlıq Amerikada keçiriləcək prezident seçkilərindən sonra gələcək. Ona görə də İranın siyasi dairələri bir qədər ehtiyatlı davranırlar. Çünki ehtimal olunan risklər onlar üçün əhəmiyyət kəsb edir".
Politoloq hesab edir ki, Tehran bölgədə və ümumiyyətlə qlobal müstəvidə apardığı siyasəti heç bir tərəflə müzakirə etmədən həyata keçirməkdə israrlıdır:
"Fransa, İtaliya və digər dövlətlərlə əldə edilən razılaşmaları İranda indi münasibətlərin bərpası kimi qəbul edirlər. İslam Respublikasının siyasətini şərtləndirən yalnız milli prioritetlərdir. Məhz bu səbədən də Qərb açıq bəyan edir ki, İrana təzyiqləri dayandırmaq düzgün deyil. Onların təbirincə, İrana müstəqil siyasət yeritməyə imkan vermək olmaz. Çünki bu ölkə Qərb asılılığından azad ola bilər. Bu səbəbdən də Qərblə İran arasındakı canlanma nikbinliklə bərabər, həm də suallar doğurur. Maraqlıdır, Tehran əzəli rəqibləri ilə hansı həddə qədər həmahəng gedə biləcək?.."
Tarix
2016.01.30 / 09:00
|
Müəllif
Aygün Yusibova
|