Ana səhifə Gündəm |
Nəsimi rayonunda kirayədə yaşayan Ayaz Şirinov və Seymur Ələkbərov adlı iki solçu gənc polislər tərəfindən saxlanılıb.
"Axar.az"ın məlumatına görə, dünən yeddi nəfər polis əməkdaşı A.Şirinov və S.Ələkbətovun müvəqqəti yaşadıqları mənzilə gələrək, axtarış orderi təqdim etmədən evdə axtarış aparıblar. Daha sonra isə gəncləri Nəsimi rayon 19-cu polis bölməsinə aparıblar.
Məlumata görə, evdə olan sol yönümlü kitablar və sol hərəkatı inqilabçılarının şəkilləri müsadirə olunub.
Gənclərin izahatı alındıqdan sonra buraxılsalar da, bu gün yenidən polis bölməsinə gəlmələri tələb olunub.
Hazırda sözügedən gənclər polis bölməsindədir.
Nəsimi Rayon İdarəsinin 19-cu polis bölməsindən əməkdaşımızın sualına cavab verməkdən imtina ediblər və gənclərin polisə dəvət edilməsinin səbəbinə heç bir aydınlıq gətirməyiblər.
Tarix
2013.10.31 / 11:46
|
Müəllif
Sona
|