Ankara terrorunda qəzet yazarı Gülşən Ulduz da həyatını itirib.

Axar.az-ın verdiyi xəbərə görə, 32 yaşlı jurnalist Türkiyənin Qida, Əkinçilik və Heyvandarlıq Nazirliyinin mətbuat şöbəsində işləyir, nazirliyin "Əkinçilik" telekanalında xəbərlər, reportajlar hazırlayırmış. İş yoldaşı Nigar Poladın sözlərinə görə, Gülşən Ankara vağzalında baş verən terrordan sonra sarsılmışdı:

"Kimin ağlına gələrdi ki, özü də terrorun qurbanı olacaq. Çox böyük ürəyi olan, istiqanlı qız idi. Bir neçə gün qabaq TRT-nin sınaqlarına da daxil olmuşdu".

Qeyd edək ki, Türk Silahlı Qüvvələrinin hərbçilərini daşıyan maşınlara hücum edilib. Nəticədə 28 nəfər həlak olub, 61 nəfər isə yaralanıb.