Bütün dünya Ermənistanın təcavüzünə gözünü yumub.

Bu barədə Axar.az-a millət vəkili Asim Mollazadə açıqlama verib. Deputat son dönəmdə baş verən bir çox geosiyasi dəyişikliklərin fonunda Ermənistanın cəbhə xəttində artan aktivliyi ilə bağlı danışıb. Asim Mollazadə bildirib ki, Ermənistanın özbaşınalığını davam etdirməsi səbəbsiz deyil:

"Son zamanlar cəbhə xəttində artan gərginlik hələ ki,hansısa müharibədən xəbər vermir və bu, həyəcan təbili çalmaq üçün bir səbəb, əsas deyil. İrəvan tərəfindən atəşkəsin bu şəkildə pozulması artıq adi hala çevrilib. Eyni zamanda, Rusiya-NATO qarşıdurması ilə Ermənistan tərəfindən atəşkəsin kobud surətdə pozulması prosesi arasında bir yüksələn xəttin olduğunu düşünmürəm. Ermənistanın təcavüzü uzun müddətdir ki, davam edir. Ən pisi odur ki, bütün dünya bu proseslərə göz yumub. Beynəlxalq hüququn aliliyi və normaları kənara qoyulub. Məhz buna görə də Ermənistan özbaşınalığını davam etdirir".

Qeyd edək ki, erməni silahlı bölmələri demək olar ki, hər gün cəbhənin müxtəlif istiqamətlərində atəşkəs rejimini kobud sürətdə pozur.