Ana səhifə Gündəm |
Türkiyədə həbs olunan "Cümhuriyyət" qəzetinin baş direktoru Can Dündar və qəzetin Ankara təmsilçisi Ərdəm Gül gecə saat 03:15-də Silivri həbsxanasından azad edilib.
Axar.az xəbər verir ki, ağ mikroavtobusla həbsxanadan çıxan jurnalistləri cəza evinin qarşısında həyat yoldaşları Dilək Dündar, Əsli İşıq Gül, uşaqları, Dündarın anası Öznur Dündar, CHP sədrinin köməkçisi Sezgin Tanrıqulu, CHP İstanbul millət vəkili Ərən Ərdəm, müğənni və yazar Zülfü Livaneli, jurnalist-yazar Nebil Özgəntürk, qohumları, həmkarları və dostları alqışla qarşılayıb.
Həbsxananın qarşısında açıqlama verən Can Dündar sözlərinə Türkiyə Prezidenti Rəcəb Tayyib Ərdoğanın doğum gününü təbrik etməklə başlayıb:
"Sizi bu saata qədər gözlətdiyimizə görə üzr istəyirik. Əslində, bizi gözlədənlərin əsil niyyəti 25-dən 26-na keçməsi idi. Bilirsiniz, bu gün cənab Prezidentimizin doğum günüdür. Ad gününü təbrik edirəm. Belə bir qərarla ad gününü təbrik etməkdən qürur duyuruq. Biz evlilik ildönümümüzdə həbsə girmişdik, bizə içəri atmışdılar deyək. Biz də ad günündə ona doğum günü hədiyyəsi vermək istədik".
Tarix
2016.02.26 / 10:11
|
Müəllif
Nilufər Muğantürk
|