Aktauda qəzaya uğrayan AZAL-ın təyyarəsinin sərnişinlərindən biri Yeni il üçün qızına baş çəkməyə uçurmuş.

Axar.az lent.az-a istinadən xəbər verir ki, Qazaxıstanda qəzaya uğrayan təyyarənin göyərtəsində olan Nərminə İgidovanın əri Bəşir kişi həyat yoldaşının Yeni ili nəvələri və qızı ilə qarşılamaq üçün Nalçikə uçduğunu deyib.

Kişinin sözlərinə görə, arvadı ilə əlaqə kəsilib və onun hələ də sağ qalıb-qalmadığını bilmir.

"Onunla sonuncu dəfə dünən axşam danışdıq, o, Bakıyadək 400 kilometr yol getməli olduğunu dedi. O, artıq yolda idi və hər şeyin yaxşı olduğunu söylədi. Bu söhbətdən sonra mən onunla daha əlaqə saxlaya bilmədim, telefon əlçatmaz idi. İndi heç nə başa düşmürəm, heç kim mənə zəng etmir. Mən onu harada axtaracağımı bilmirəm", - deyə Bəşir İgidov bildirib.

Nərminə və Bəşir İgidovların iki azyaşlı nəvəsi var. Baba və nənə mümkün qədər tez-tez qızlarına və nəvələrinə baş çəkməyə çalışıblar. Yaxınlarının dediyinə görə, Nərminə xanım həyat yoldaşı ilə birlikdə yaşadığı Yekaterinburqdan tez-tez qohumlarının yanına gedirmiş.