Qətər Dövlətinin Əmiri Şeyx Təmim bin Həməd əs-Sani Prezident İlham Əliyevə başsağlığı məktubu ünvanlayıb.

Axar.az məktubun mətnini təqdim edir:

“Azərbaycana məxsus təyyarənin qəzaya uğraması nəticəsində baş vermiş faciə ilə bağlı Zati-alinizə və həlak olanların ailələrinə Qətər Dövlətinin Hökuməti adından və şəxsən öz adımdan dərin hüznlə başsağlığı verir, yaralananların tezliklə sağalmalarını arzu edirəm.

Dünyasını dəyişənlərə Uca Allahdan rəhmət diləyirəm. Məkanları behişt olsun!”

Eyni zamanda, Qətər Dövləti Əmirinin müavini Şeyx Abdullah bin Həməd əs-Sani də Prezident İlham Əliyevə başsağlığı göndərib.

“Azərbaycana məxsus təyyarənin qəzaya uğraması nəticəsində baş vermiş faciə ilə əlaqədar Zati-alinizə və həyatını itirənlərin ailələrinə Qətər Dövlətinin Hökuməti adından və şəxsən öz adımdan dərin hüznlə başsağlığı verir, yaralananların tezliklə şəfa tapmalarını arzulayıram.

Həlak olanlara Uca Allahdan rəhmət diləyirəm. Məkanları behişt olsun!”, - başsağlığında bildirilib.