Türkiyə sərhədlərini pilotsuz uçan aparatlar (PUA) qoruyacaq.

Axar.az xəbər verir ki, bu barədə Baş Qərargah rəisi Hulusi Akar məlumat verib.

Generalın sözlərinə görə, terrorla mübarizədə əvəzsiz rolu olan PUA-lar yaxın gələcəkdə Türkiyədə istehsal olunacaq:

"Silahlı PUA istehsalı ilə bağlı iki şirkət hazırlıq görür. Sınaqlar son dərəcə uğurlu keçib. Bütün sınaqlar bitdikdən sonra kütləvi istehsala başlayacağıq. Yerli PUA-ların pis hava şəraitində manevri hətta ABŞ PUA-larından da üstün olacaq".

Xatırladaq ki, dünən Türkiyə Prezidenti Rəcəb Tayyib Ərdoğanın başçılığı ilə Nazirlər Kabinetinin iclası keçirilib. İclasda PUA və döyüş helikopterlərinin istehsalının artırılması müzakirə olunub.