Rusiyanın Voloqda vilayətinin hakimiyyəti miqrantlara tikinti sahələrində işləməyi qadağan edib.

Axar.az xəbər verir ki, bu barədə vilayət rəhbəri Georgi Filimonov göstəriş verib.

Miqrantlar üçün qadağan olunmuş məşğulluq sahələrinin yeni siyahısına binaların tikintisi və sökülməsi, sənaye avadanlığının quraşdırılması, tikinti sahələrinin hazırlanması, həmçinin tamamlama və dam örtüyü işləri daxil edilib. Müvafiq sənəd bir gün əvvəl imzalanıb və artıq qüvvəyə minib.

Qeyd edək ki, analoji qadağa Krasnodar vilayətində də tətbiq edilib. Miqrantlar dekabr ayından oradakı tikintilərdə işləyə bilmir.