18:21

Biləsuvar rayonunun Nəsimikənd ərazisində avtomobil kanala düşüb.

Axar.az Bakupost.az-a istinadən xəbər verir ki, qəza "Leksus" markalı, 90 EU 111 nömrə nişanlı avtomobilin sürücüsünün idarəetməni itirməsi nəticəsində baş verib.

Məlumata görə, qəzanı Biləsuvar rayon Telekomnukasiya Qovşağının keçmiş rəisi Xalid Rüstəmovun həyat yoldaşı, Milli Qəhrəman M.İbrahimov adına Biləsuvar Təhsil Kompleksinin müəllimi Fidan Rüstəmova törədib.

Avtomobildə sürücüdən əlavə bir neçə qadın sərnişinin olduğu, onlardan birinin öldüyü bildirilir.

Qeyd edək ki, bir neçə gün əvvəl də Biləsuvarda avtomobilin kanala düşməsi nəticəsində 5 nəfər ölmüşdü.

***

Teleqraf-ın məlumatına görə, qəzada ölənlər iki bacı olublar. Onlar digər sərnişinlərlə əmisi oğlanlarının nişan mərasiminə gedirmişlər.

***

Biləsuvarda baş verən qəzada ölənlərin kimliyi məlum olub.

Qəza nəticəsində 1993-cü il təvəllüdlü Aytac Rüstəmli və onun 2003-cü il təvəllüdlü bacısı Aynur Rüstəmova dünyasını dəyişiblər.