Ana səhifə Hadisə |
İran Xəritəçəkmə Təşkilatının rəisi Məsud Şəfi Xəzər dənizinin tarixi adının dəyişdirilməsi ilə bağlı plan üzərində çalışdıqlarını bildirib.
Kult.az xəbər verir ki, o, daxili xəritələrdə “Xəzər”in yerinə “Kaspiyən” (Caspian fars dilində belə tələffüz olunur) adından istifadə olunacağını qeyd edib.
“Hazırda bu dənizi daxili xəritələrdə “Xəzər”, beynəlxalq səviyyədə isə “Kaspiyən” adı ilə tanıyırıq. Biz daxili xəritələrdə də kökü İran dilindən olan “Kaspiyən” sözündən istifadə edə bilərik. Yarım əsrdən sonra ingilis xəritələrini İran xəritələri ilə dəyişdirə bildik. Təbii ki, bu önəmli hadisədə “Fars körfəzi” sözü də dərc olundu. Ümid edirəm ki, bu il Xəzər dənizi ətrafında rus xəritələrindən deyil, İran xəritələrindən istifadə olunacaq. Bizim xəritələrimiz iki məntəqədə təsdiqlənib, digər 5 məntəqə ilə bağlı Beynəlxalq Hidroqrafik Təşkilatının rəyini gözləyirik”.
Qeyd edək ki, son vaxtlar paniranistlər Xəzər dənizinin adına qarşı xüsusi mübarizə aparır.
Tarix
2018.09.17 / 17:45
|
Müəllif
Büllurə Yunus
|