Uzun müddət neft sənayesi sahəsində çalışmış Vaqif Əmrahov vəfat edib.

Axar.az Publika.az-a istinadən xəbər verir ki, keçən ilin aprel ayında qaraciyər transplantasiyası edilmiş V.Əmrahov aprelin 23-də dünyasını dəyişib.

Bildirilir ki, ötən ilin aprel ayında Bakıda şirkətlərdən birində rəhbər vəzifədə çalışan Fərid Əmrahov qaraciyərinin bir hissəsini atasına vermişdi və əməliyyat tanınmış cərrah Mircəlal Kazıminin rəhbərliyi altında baş tutmuşdu. Lakin 1 il keçdikdən sonra transplantasiya edilmiş xəstənin səhhətində yenidən ciddi problemlər yaranıb və Vaqif Əmrahov vəfat edib. O, dünən doğulub boya-başa çatdığı Tovuzun Xatınlı kəndində dəfn edilib.

Qeyd edək ki, keçən il öz qaraciyərini atasına vermək üçün əməliyyatxanada gözləyən Fərid həmin anlarda duyğusal mahnı ifa etmiş və bunu paylaşmışdı.