Ana səhifə Hadisə |
Paytaxtın Binəqədi rayonunun C.Xəndan küçəsində avtomobil vurması nəticəsində vəfat edən müğənni Müşərrəf Verdiyevanın (Banu) ölümü ilə bağlı bəzi təfərrüatlar ortaya çıxıb.
Hadisə ilə bağlı Kult.az-a açıqlama verən mərhumun yaxın rəfiqəsi, müğənni Nəfəs bildirib ki, avtomobil Müşərrəf Verdiyevanı ötən gün günorta saatlarında vurub:
“Hadisə dünən günorta saatlarında evinin yaxınlığında baş verib. Zərbənin nəticəsində başı yerə dəydiyi üçün ölüb. Mən hadisədən axşam xəbər tutdum. Eşidən kimi onun aparıldığı morqa getdim. Lakin içəri buraxmadıqları üçün görə bilmədim onu”.
Müğənni bildirib ki, dəfn mərasimi bu gün günorta saatlarında Şamaxıda baş tutub:
“Banu Şamaxıda, elə anasının yanında dəfn edildi. Karantin rejimi ilə əlaqədar dəfndə iştirak edə bilmədim”.
Qeyd edək ki, Binəqədi rayonunun C.Xəndan küçəsində Göyçay rayon sakini Sabit Salmanovun idarə etdiyi “Opel” markalı avtomobil yolu keçən Banu adı ilə tanınan müğənni Müşərrəf Verdiyevanı vurması nəticəsində sonuncu dünyasını dəyişib.
Tarix
2020.04.16 / 18:07
|
Müəllif
Nərmin Əkbərli
|