Azərbaycanlı məşhur qanuni oğru, “Lotu Yunus” ləqəbli Yunis Nəzərov bir neçə saat əvvəl vəfat edib.

Axar.az Musavat.com-a istinadən xəbər verir ki, qanuni oğru Qazaxıstanda dünyasını dəyişib.

Yunis Nəzərov bir neçə il əvvəl Rusiyadan deportasiya olunmuşdu. Azərbaycan vətəndaşı olan Y.Nəzərov 23 yanvar 1961-ci ildə anadan olub. Kriminal dairələrdə “Yunus Bakinskiy” və ya “Yunus Yasamalskiy” kimi tanınan titullu qanuni oğru cəzaçəkmə müəssisələrində 20 ildən çox həbsdə yatıb. “Qanuni oğru” adını da 1984-cü ildə alıb.

2008-ci ilin oktyabrında Ədliyyə Nazirliyinin Penitensiar Xidmətinin 1 saylı cəzaçəkmə müəssisəsində onu 1982-ci il təvəllüdlü Vəfadar Mirzəyev balta ilə vurmuşdu. Sağ qalsa da, irəliləyən illərdə bu ağır xəsarət onun səhhətində ciddi problemlər yaratmışdı, o əl əsası ilə gəzirdi. Bildirilir ki, 'Lotu Yunus'un son illər Azərbaycana gəlməsi də problemli olub. Onun bir oğlu olduğu deyilir.