19:47

Goranboy rayonunda bir nəfərin ölümü, 6 nəfərin yaralanması ilə nəticələnən ağır yol qəzası baş verib.

Axar.az Teleqraf.com-a istinadən xəbər verir ki, Goranboy-Ağcakənd avtomobil yolunun Zeyvə kəndindən keçən hissəsində Səfikürd kənd sakini 2003-cü il təvəllüdlü Məhəmməd Talıb oğlu Bayramovun idarə etdiyi VAZ 2107 avtomobil Qaradağ rayonunda qeydiyyatda olub Aşağı Ağcakənd qəsəbəsində müvəqqəti yaşayan 1995-ci il təvəllüdlü Vahid Mobil oğlu Hüseynzadənin idarə etdiyi PİKAP markalı maşınla toqquşub.

Qəza nəticəsində VAZ 2107 markalı avtomobilin sürücüsü Məmməd Bayramov ölüb. Həmin maşında olan digər sərnişinlər - Səfikürd kənd sakinləri 2001-ci il təvəllüdlü Mehman Aydın oğlu Allahverdiyev, həmyaşıdı Uğur Ceyhun oğlu Babayev və Məftun Namiq oğlu Allahyarov müxtəlif bədən xəsarətləri alaraq Goranboy rayon Mərkəzi Xəstəxanasına yerləşdirilib. PİKAP markalı avtomobildə olan V.Hüseynzadə və sərnişinlər - 1980-ci il təvəllüdlü Samir Hacıbabayev, 1971-ci il təvəllüdlü Zəminə Qasımova müxtəlif bədən xəsarətləri ilə Goranboy rayon Mərkəzi Xəstəxanasına yeləşdirilib. Onların vəziyyəti orta-ağırdır.

Qeyd edək ki, qəzada dünyasını dəyişən Məmməd Bayramov nişanlı idi, 20 gün sonra toyu olacaqdı.