01:01

Qaradağ rayonunda ağır yol-nəqliyyat hadisəsi baş verib.

Axar.az Bakupost.az-a istinadən xəbər verir ki, 17 yaşlı Nurlan Kərimovun idarə etdiyi avtomobilin qəzaya uğraması nəticəsində atası və anası həlak olublar.

Sürücü özü isə ağır xəsarətlərlə xəstəxanaya yerləşdirilib.

Bakı Şəhər Dövlət Yol Polisi İdarəsinin (BŞDYPİ) bölmə rəisi Toğrul Nəsirli Oxu.az-a açıqlamasında hadisənin 19 fevral saat 20:00-da qeydə alındığını bildirib. Onun sözlərinə görə, qəza zamanı avtomobili Nurlan Kərimov yox, Şövqü Kərimov idarə edib:

"BMV markalı, 90 UC 35 dövlət nömrə nişanlı avtomobillə "Mersedes-Benz" markalı 99 UL 901 dövlət nömrə nişanlı avtomobil toqquşub. Hadisə nəticəsində BMV markalı avtomobilin sürücüsü Şövqü Kərimov və sərnişini, həyat yoldaşı Aytac Kərimova hadisə yerində ölüblər. Digər sərnişin Nurlan Kərimov isə xəsarət alıb. Hazırda faktla bağlı araşdırma aparılır".