01:40

Astara rayonunun Kijəbə ərazi vahidliyinə daxil olan ucqar dağ kəndində yerləşən yaşayış evində gecə saatlarında yanğın baş verib.

Axar.az APA-ya istinadən xəbər verir ki, hadisə zamanı iki azyaşlı yanaraq ölüb.

Bildirilib ki, uşaqların babaları, 1965-ci il təvəllüdlü İmaməddin Xanağa oğlu Məmmədov sol yuxarı ətrafın və bədənin müxtəlif nahiyyələrinin çoxsaylı yanığı diaqnozu ilə Lənkəran Rayon Mərkəzi Xəstəxanasının cərrahiyyə şöbəsinə yerləşdirilib.

Meyitlər daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Lənkəran rayon şöbəsinə aparılıb.

Faktla bağlı araşdırma aparılır.

***

Yanğın zamanı daha iki nəfər yaralanıb.

Məlumata görə, 25 yaşlı Rəfiqə Mirzəyeva və 30 yaşlı Xətai Məmmədov müxtəlif dərəcəli bədən xəsarətləri alıblar.