İngiltərənin "Mançester Yunayted" klubunun baş məşqçisi Joze Mourinyo bəzi futbolçulardan narazıdır.

Axar.az xəbər verir ki, portuqaliyalı mütəxəssis "Qalatasaray"la keçirilən yoldaşlıq görüşündən sonra Bastian Şvaynştayger və Adnan Yanuzayı komandada görmək istəmədiyini deyib.

"Əgər hansısa futbolçu planımda yoxdursa, ona bir dəqiqə də şans vermərəm. Hazırda heyətdə rəqabət böyükdür. Şvaynştayger və Yanuzayı komandada görmək istəmirəm. Bizi Avropa Liqasında və Premyer Liqada çətin oyunlar gözləyir".

Xatırladaq ki, dünən keçirilən yoxlama matçı "qırmızı şeytanlar"ın 5:2 hesablı qələbəsi ilə başa çatıb.