Macarıstanın adının açıqlanmayan bir klubu ukraynalı Yuri Vernidubu baş məşqçi vəzifəsinə dəvət etməyi planlaşdırıb.

Axar.az Publika.az-a istinadən xəbər verir ki, lakin mütəxəssis bundan imtina edib.

Mənbənin bildirdiyinə görə, səbəb siyasi-sosial motivlər olub.

“Eşitdiyimə görə, Macarıstanda başqa bir variant da vardı və orada da Vernidub siyasi-sosial səbəblərə görə imtina etdi”, – jurnalist Mixail Spivakovski deyib.

Həmçinin qeyd olunur ki, Vernidubun prinsipial mövqeyi var. Bu, xüsusi icazə olmadan və ya 60 yaşına çatana qədər ölkəni tərk etməməkdir. Buna görə də o, eyni zamanda “Ludoqorets” ilə razılaşa bilməyib.

“Ludoqorets" hətta Vernidubu yanvarın sonuna qədər gözləməyə hazır idi. Hazırda orada komandanı beşinci yerə endirən müvəqqəti baş məşqçi var, amma onlar gözləməyə hazır idilər. Sadəcə alınmadı”, – deyə jurnalist bildirib.

Xatırladaq ki, 59 yaşlı mütəxəssisin adı “Neftçi” ilə yanaşı hallanır.