“Qarabağ”ın baş məşqçisi Qurban Qurbanov Marko Yankoviç və Mateus Silva arasında “Napoli” ilə görüşdə baş verən mübahisəyə münasibət bildirib.

Axar.az xəbər verir ki, bu barədə təcrübəli mütəxəssis “Karvan-Yevlax”la keçirilən oyundan (2-0) sonra mətbuat konfransında danışıb.

“Futbol emosional oyundur. Biz bu cür, hətta bundan daha sərt halların dəfələrlə şahidi olmuşuq. Buna baxmayaraq, belə gərgin oyunlarda futbolçular emosiyalarını cilovlamağı bacarmalıdırlar. Çünki bu, matçın gedişatına birbaşa təsir edə bilər. Mən bu barədə ümumi fikirlərimi artıq bildirmişəm və bu mövzuya çox ciddi diqqət ayırıram”, - Q.Qurbanov vurğulayıb.