Müğənni Nigar Camal təcili əməliyyat olunub.

Kult.az Axşam.az-a istinadla xəbər verir ki, sənətçi bununla bağlı sosial şəbəkə hesabında paylaşım edib. O, hazırda reabilitasiya prosesində olduğunu bildirib:

"Bu gün gözlənilmədən evdə xəsarət aldım. Hazırda reabilitasiya prosesindəyəm. Tezliklə ayağa qalxacağam. Köməyimə tez çatan Təcili Tibbi Yardım əməkdaşlarına, əməliyyatımı həyata keçirən həkimlərə və tibb işçilərinə peşəkar davranışlarına görə təşəkkür edirəm".

İfaçı xəsarət səbəbindən iyulun 31-də keçirilməsi planlaşdırılan konsertinin təxirə salındığını da açıqlayıb:

"Təəssüflə bildirirəm ki, 31 iyulda keçiriləcək konsertimizi təxirə salırıq. Tezliklə yeni tarixi açıqlayacağıq. Həmçinin digər tədbirlərdə də iştirakımız mümkün olmayacaq. Özünüzü qoruyun və ehtiyatlı olun".