“Qarabağ” çox yaxşı komandadır.

Axar.az xəbər verir ki, bunu Niderlandın “Ayaks” klubunun baş məşqçisi Fred Qrim Bakıda “Qarabağ”la keçiriləcək UEFA Çempionlar Liqasının VI tur oyunundan öncə mətbuat konfransında deyib.

“Bizim üçün çox yaxşı bir səyahət oldu. Xoşbəxtik ki, azarkeşlərimiz buradadırlar. Rəqibin oyunlarına baxmışam. Çox yaxşı komandadır, onlar çox az məğlubiyyətlə üzləşiblar. Proqramımız çox yorucudur. Bizim öz oyunçularımız oyunu səbrsizliklə gözləyirlər. Son matçlarda göründüyü kimi oyun cəhətdən kifayət qədər inkişaf etmişik”, - deyə 60 yaşlı mütəxəssis bildirib.

Qeyd edək ki, “Qarabağ” - “Ayaks” oyunu dekabrın 10-da Tofiq Bəhramov adına Respublika stadionunda keçiriləcək.