10:18

"Qarabağ" komandası cari ildə sonuncu oyununa bu gün çıxacaq.

Axar.az xəbər verir ki, Qurban Qurbanovun baş məşqçisi olduğu kollektiv Misli Premyer Liqasının XVI turunda "Qəbələ"nin qonağı olacaq.

Qarşılaşma saat 15:00-da start götürəcək. Ağdam təmsilçisi 33 xalla ikinci, meydan sahibləri 8 xalla 11-ci pillədə qərarlaşıb.

***

Qəbələ şəhər stadionunda keçirilən qarşılaşma qonaqların 1:2 hesablı qələbəsi ilə yekunlaşıb.

Baş hakim Əli Əliyevin idarə etdiyi oyunda hesab matçın 6-cı dəqiqəsində açılıb.

“Qırmızı-qaralar”ın futbolçusu Prins Ovusu fərqlənib. Görüşün 27-ci dəqiqəsində isə Bədavi Hüseynov “Qarabağ”ın heyətində qol vuraraq hesabı bərabərləşdirib. Matçın 79-cu dəqiqəsində isə Marko Yankoviç Ağdam təmsilçisinin qələbə qolunun müəllifi olub.

Bu nəticədən sonra Qurban Qurbanovun komandası 36 xalla turnir cədvəlinin liderliyinə yüksəlib. Kaxaber Tsxadadzenin kollektivi isə 8 xalla 11-ci pillədə qərarlaşıb.

Günün ikinci görüşündə "Araz-Naxçıvan" "Şamaxı" ilə üz-üzə gələcək. Bu oyun saat 17:30-da başlanacaq. Naxçıvan klubu 23 xalla beşinci, qonaqlar 20 xalla yeddinci sıradadır.