“Fənərbağça”nın prezidenti Sadəddin Saran fransız futbolçu Nqolo Kantenin transferi üçün Türkiyə Prezidenti Rəcəb Tayyib Ərdoğana təşəkkür edib.

Axar.az xəbər verir ki, açıqlamada ölkə başçısının 34 yaşlı ulduz oyunçunun Səudiyyə Ərəbistanının “Əl-İttihad” klubundan keçidinə görə göstərdiyi dəstək vurğulanıb.

“Klubumuz dünya futbolunun önəmli simalarından Nqolo Kantenin transfer prosesini uğurla başa çatdırıb. Prezidentimiz cənab Rəcəb Tayyib Ərdoğana həm “Fənərbağça”mızın, həm də Türkiyə futbolunun inkişafına töhfə verəcək bu prosesin müsbət şəkildə nəticələnməsində göstərdiyi önəmli dəstəyə görə özümün və klubum adından təşəkkür edirəm”, - məktubda qeyd olunub.

Qeyd edək ki, "sarı-lacivərdlilər" fransız futbolçu ilə 2,5 illik müqavilə imzalayıb.