“Borussiya Dortmund” klubu Bundesliqanın 31-ci turunda öz meydanında “Frayburq” ilə qarşılaşıb.

Axar.az xəbər verir ki, dortmundlular görüşdə 4:0 hesabı ilə parlaq qələbə qazanıblar. Bu qələbə sayəsində komanda Bundesliqanın başa çatmasına üç tur qalmış UEFA Çempionlar Liqasına vəsiqəni təmin edib.

Qarşılaşma “Borussiya Dortmund” üçün iki cəhətdən əlamətdar olub. Belə ki, klub Bundesliqadakı 1000-ci oyununda 600-cü qələbəsini qazanıb.

Bu günün digər oyununda “Ştutqart” öz meydanında “Verder Bremen” ilə heç-heçə edib – 1:1.

Çempionluğunu artıq elan etmiş “Bavariya” 31-ci turda səfərdə “Maynts”ı 4:3 hesabı ilə məğlubiyyətə uğradıb. Komanda hesabda 0:3 geri olsa da, möhtəşəm geridönüş edərək oyunu qələbə ilə başa vurub.