“Sea Breeze”də ötən gün “Sea Breeze Arena”nın təməlqoyma mərasimi keçirilib.

Axar.az xəbər verir ki, bununla bağlı iş adamı Emin Ağalarov sosial şəbəkə hesabında paylaşım edib.

Tədbirdə bir sıra tanınmış simalar iştirak edib.

Tədbir zamanı Ağalarovun Qurbanova xüsusi sevgisi və onun barədə çıxışı diqqət çəkib.

“İstəyirəm ki, bu gün burada olan Azərbaycan futbolunun əfsanəsi hesab etdiyim Qurban Qurbanovu alqışlayasınız. Bütün ölkə, bütün dünya sizin etdiklərinizi izləyirdi və görürdü. Bu, sadəcə heç bir qiymətlə ölçülə bilməz, çünki məncə bu, inanılmazdır. Bir daha alqışlayaq, dostlar”, - E.Ağalarov deyib.

Qeyd edək ki, "Sea Breeze Arena" layihəsi çərçivəsində "Sea Breeze" ərazisində yeni stadionun inşası nəzərdə tutulur.