İspaniya mediasında türk futbolçu Arda Turan haqda yüksək fikirlər yer alıb.

Axar.az xəbər verir ki, məşhur "Sport" qəzeti "Sportinq Xixon"la oyunda 1 qol, 1 qol ötürməsi ilə yadda qalan Arda Turanı şampan şüşəsinə bənzədib:

"Luis Enrike bir daha komandada baş rol oyunçusu funksiyasını Arda Turana tapşırdı. Arda "Sportinq"lə oyunda hər şeyi etdi - top qazandı, qol vurdu, ötürmə verdi. Oyuna şampan şüşəsi kimi köpüklənərək başladı. Luis Suarezə ilk qolun ötürməsini verdi. İkinci hissədə bir az yorulsa da, komandasının dördüncü qolunu vurdu".

Qeyd edək ki, "Sportinq Xixon" - "Barselona" oyunu 5-0 hesabı ilə kataloniyalıların xeyrinə başa çatıb.