10:44

Azərbaycan millisi UEFA Millətlər Liqasında bu gün növbəti matçını keçirəcək.

Axar.az xəbər verir ki, Ayxan Abbasovun baş məşqçi olduğu kollektiv D Liqasının 2-ci qrupunda Bakıda Litva yığması ilə üz-üzə gələcək.

Portuqaliyalı FİFA referisi Qustavo Korreyanın idarə edəcəyi qarşılaşmaya 8-ci km stadionunda, saat 17:00-da start veriləcək.

Xatırladaq ki, milli komanda hazırda qrupda 2 xalla 2-ci pillədə qərarlaşıb. Litva 4 xalla birinci, Lixtenşteyn isə 1 xalla sonuncudur.

***

UEFA Millətlər Liqasının Azərbaycan - Litva matçında hesab açılıb.

Azərbaycan yığmasının heyətində Abdulla Xaybulayev fərqlənib - 1:0.

***

Qarşılaşma komandamızın 1:0 hesablı qələbəsi ilə başa çatıb.

Bu nəticədən sonra xallarını 5-ə çatdıran Azərbaycan millisi qrupda liderliyi ələ keçirib. Litva 4 xalla ikinci, Lixtenşteyn isə 1 xalla sonuncudur.

Qeyd edək ki, Azərbaycan yığması Millətlər Liqasında son oyununu noyabrın 13-də səfərdə Lixtenşteynə qarşı keçirəcək.