Bilmirəm, mənə elə gəldi ki, yaratdığımız qol imkanlarında bir qədər tələsirdik. Lazımi qədər soyuqqanlı deyildik. Rəqib isə əldə etdiyi imkanlardan yararlandı. Təəssüf ki, biz bu oyunu belə təsəvvür etmirdik.

Axar.az xəbər verir ki, bunu Çexiyanın “Slaviya” klubunun yarımmüdafiəçisi Mixal Sadilek UEFA Çempionlar Liqasının Liqa mərhələsinin 2-ci turunda Bakıda “Sabah”a 2-0 hesabı ilə uduzduqları oyunu şərh edərkən deyib.

"Topa çox sahib ola bilmirdik, ən azı birinci hissədə. Yalnız ikinci hissədə, qol buraxdıqdan sonra oynamağa çalışdıq. Amma bu, kifayət etmədi. Bu məğlubiyyət bizi çox məyus edir. Əlbəttə, qələbə qazana bilmədiyimiz hər oyun bizi üzür, amma bu dəfə daha çox. Düşünürəm ki, qol imkanlarımız var idi. Rəqib iki dəfə topu qapı xəttindən çıxardı. Dediyim kimi, çox məyusuq. Onlar imkanlarından yararlandılar, biz isə yox. Bizim göstərdiyimiz oyun kifayət etmədi”, - o söyləyib.

Qeyd edək ki, “Slaviya” Çempionlar Liqasının Liqa mərhələsində keçirdiyi ilk iki oyunun hər ikisində məğlub olub.