Dünya Döyüş Gecələri (Fight Nights Global) turnirində Rusiya təmsilçisi, erməni əsilli 23 yaşlı Vartan Asatryan Azərbaycan təmsilçisi, daha az döyüş təcrübəsi olan 19 yaşlı Elnar İbrahimova yarımfinalda qalib gəlib.

Axar.az Sputnik-ə istinadən xəbər verir ki, həmyerlimizi texniki nokauta saldıqdan sonra Asatryan əvvəlcə Ermənistan bayrağını, daha sonra isə Qarabağ separatçılarının əski parçasını qaldırıb.

Rusiyanı təmsil etməsinə baxmayaraq, idmanı tam olaraq Ermənistanın siyasi alətinə çevirən Asatryan bu “bayrağı” dünyanın hər yerində qaldıracağını deyib. “Biz məğlub olmalı deyilik, həmişə qalib gəlməliyik. Bunu dərk etməli və əlimizdən gələni əsirgəməməliyik”, - deyə erməni öz niyyətini ortaya qoyub.

Ümid edirik ki, bu fakt idmançılarımıza bundan sonra hansı düşmənlə üz-üzə gəldikləri barədə növbəti xəbərdarlıq olacaq.