Ana səhifə İdman |
"Dnepr"ə qarşı çox yaxşı oynadıq. Əlimizə düşən imkanlardan istifadə edə bilmədik". Apasport.az xəbər verir ki, bu sözləri "Sent-Etyen" klubunun baş məşqçisi Kristof Qaltye deyib.
Avroliqanın qrup mərhələsində "Qarabağ"ın rəqibi olan Fransa təmsilçisinin çalışdırıcısı Ukraynanın "Dnepr" klubuna qarşı keçirdikləri oyundan danışıb. Rəqibimiz, həmçinin "İnter" – "Qarabağ" görüşü barədə də fikirlərini açıqlayıb: "Ukrayna klubu ilə oyuna çox yaxşı başladıq. Amma sonra matça nəzarəti əldən buraxdıq. Daha yaxşı oyun qururduq və cərimə meydançasına qədər gəlirdik. Futbolçularımın əzmkarlığı məni sevindirdi. Onlar sona qədər qələbə üçün döyüşdülər. Biz nikbin qalmaq istəyirik. Heç nədən ümidimizi üzmürük. Çünki oyundan-oyuna artıracağıq. Düzü, "Qarabağ"dan "İnter"lə oyunda daha yaxşı nəticə gözləyirdim. Düşünürdüm ki, Azərbaycan klubu qələbə qazana bilər. Ən azından heç-heçəyə ümid edirdim. Çünki "Qarabağ" Milan klubundan xal alsaydı, o zaman bizim işimiz daha asan olardı və şansımız daha çox olardı. Amma yenə fikrimdə qalıram ki, "Qarabağ" qrupun favortilərindən biridir".
Tarix
2014.10.03 / 19:50
|
Müəllif
Axar.az
|