Bu gün Avro-2016-nın seçmə mərhələsində qrup oyunları keçirilir.

Axar.az xəbər verir ki, Azərbaycan millisi də Xorvatiya yığması ilə qarşılaşır.

Bu görüşədək qrupda Bolqarıstan və İtaliya ilə qarşılaşan yığmamız eyni hesabla 2-1 məğlub olmuşdu.

Qeyd edək ki, bu dəqiqələrdə davam edən matçda hesab açılıb. Xorvatiya millisinin oyunçusu Kramariç görüşün 10-cu dəqiqəsində hesabı açıb.

00:20

Xorvatiya Perişiçin qolu ilə görüşün 34-cü dəqiqəsində fərqi artırdı 2-0.

00:29

Perişiç özünün 2-ci, komandasının 3-cü qolunu millinin qapısından keçirtdi 3-0.

00:32

Borozoviç 4-cü topu millinin qapısından keçirtdi 4-0.

00:59

Modriç xorvatların 5-ci topunun müəllifi oldu 5-0.

01:07

Millimizin müdafiəçisi 6-cı topu qapımızdan keçirtdi 6-0.

01:47

Azərbaycan millisi qrupda 3-cü matçında da meydanı başı aşağı tərk etdi. Xorvatiya milli üzərində 6-0 hesablı qələbə əldə etdi və qrupda İtaliya ilə birgə liderdi.

02:09

"Xorvatiya millisini təbrik edirəm. Hesab oyuna görə oldu. Bir komanda sona qədər mübarizə aparır, digəri isə buna fiziki baxımdan hazır deyildi". Apasport.az saytının Xorvatiyaya ezam olunan əməkdaşının xəbərinə görə, bu sözlər Azərbaycan yığmasının baş məşqçisi Berti Foqtsa məxsusdu.

Yığmamız az öncə 2016-cı il Avropa çempionatının seçmə qrup mərhələsində Xorvatiya ilə qarşılaşdı. Osiyek şəhərində baş tutan görüşdə qapısından 6 cavabsız top buraxan komandamızın almaniyalı çalışdırıcısı oyundan sonra təşkil olunan mətbuat konfransında biabırçı məğlubiyyətin səbəblərini açıqlayıb.

"Komandam 3 gündən bir oynaya bilmir. Klublar Avroliqada oynadıqdan sonra fasilə edirlər. Bu da yığma üzvlərinə təsir göstərir. Menecerim AFFA ilə əlaqə saxlayacaq. Belə şərtlərlə mənim Azərbaycan yığmasında gələcəyim ola bilməz" – deyə, Foqts bildirib.

- Xorvatiyalı jurnalistlər 5 müdafiəçi ilə oynadığımıza görə bizə gülürdülər. Bu qədər ultramüdafiə nəyə lazım idi?

- Yəqin ki, xorvatiyalı jurnalistlər dünya çempionatına baxmayıblar.

- Cinahlarda Xorvatiya yığması çox güclü idi. Siz isə onlara qarşı oynaya bilmədiniz...

- Futbolçulara cinahlarda rəqibə qarşı yaxın oynamağı tapşırmışdım. Təəssüf ki, biz passiv müdafiə olunduq. Bizdə rəqibə yaxın oynamağa son dəqiqələrə kimi güc qalmır. Ona görə də bu alınmır.

- Siz özünüzdə günah görmürsünüzmü?

- Artıq 20-ci dəqiqədən sonra bizdə güc qalmamışdı. Biz azərbaycanlı futbolçuların yaxşı oynadığını görmüşük. Amma bu gün alınmadı. Mən bu gün futbolçulardan az səhv etmişəm.

- Sonuncu mətbuat konfransında demişdiniz ki, 6-7 il əvvəl İtaliyaya 0:6 hesabı ilə yenilərdik. Bu məntiqlə Xorvatiyaya 6-7 il əvvəl 10:0 hesabı ilə uduzardıq.

- Əgər 6 il əvvəl 2 oyun arasında 3 gün fərq olsaydı, yəqin ki belə olacaqdı.