14:32

Bu gün Azərbaycan Kubokunda 2018-2019 mövsümünün qalibi müəyyənləşəcək.

Axar.az xəbər verir ki, kubok uğrunda “Qəbələ” və “Sumqayıt” komandaları mübarizə aparacaq.

Naxçıvan Muxtar Respublikası stadionunda keçiriləcək final matçı saat 17:00-da başlayacaq. Oyunu İnqilab Məmmədov, Rahil Ramazanov, Pərvin Talıbov, Səbuhi Bayramovdan ibarət hakimlər briqadası idarə edəcək.

"Sumqayıt" tarixində ilk dəfə finala çıxıb. “Qəbələ” isə indiyədək 3 dəfə final həyəcanı yaşayıb və hamısında uduzub.

Qeyd edək ki, kubokun qalibi ölkəmizi Avropa Liqasında təmsil edəcək.

***

Finalda "Sumqayıt"ı 1-0 məğlub edən "Qəbələ" Azərbaycan kubokunun sahibi olub.