"Neftçi"nin azarkeş qrupu "Forza Neftçi" tribunaya qayıtması ilə bağlı açıqlama yayıb və klub rəhbərliyinə mesaj göndərib.

Axar.az xəbər verir ki, bu barədə "Forza Neftçi" rəsmi Feysbuk səhifəsində bəyanat yayıb.

"Sizə verilən 5 turluq müddətin sonuna gəldik, qayıdırıq! "Neftçi"dən çirkli əllərinizi çəkməyin zamanı çoxdan keçib. Hər cümləsində büdcədən danışan rəhbərlik özündən az büdcəli "Sabah", "Zirə", "Keşlə"ni uda bilmir. "Qəbələ" ilə oyuna qədər istefa ərizənizi yazın, yoxsa digər rəhbərliklər kimi sizi də biz istefaya göndərəcəyik", - bəyanatda bildirilib.

Qeyd edək ki, "Qəbələ" - "Neftçi" oyunu sentyabrın 28-i keçiriləcək.