"Biz klublara futbol akademiyaları layihəsinə görə pul köçürürük. Bəzilərinin xərclərini ödəyirik və rüblük olaraq hər bir klub bizə maliyyə hesabatı verir. Bu işlər qaydasında aparılır. AFFA-nın verdiyi vəsaitə uyğun hesabat tələb etmək katibliyin borcudur. Bu, ictimai birlikdir".

Axar.az xəbər verir ki, bu fikirləri AFFA-nın baş katibi Elxan Məmmədov Sportnet.az-a geniş müsahibəsində açıqlayıb. Baş katibin sözlərinə görə, katiblik olaraq AFFA üzvlərinə hesabat verir ki, pullar hara xərclənir:
"Bütün gəlirlər, xərclər haqda şəffaf hesabat olur. Biz xərcləri yazmaq üçün bilməliyik ki, klub verilən pulları hara xərcləyir. Bu, normal qaydadır. "Rəvan" klubunun idman direktorunu işdən çıxarması ilə əlaqədar qərarına hörmətlə yanaşırıq. Onsuz o idman direktorunun xərcləri AFFA tərəfindən ödənilirdi. Bu, "Rəvan"ın qərarıdır və hörmətlə yanaşırıq".