Ana səhifə İdman |
"Qarabağ"ın vitse-prezidenti Tahir Gözəl mətbuat konfransı keçirib.
Axar.az xəbər verir ki, tədbirdə "Qarabağ"ı dünya ictimaiyyətinə yaxından tanıdan amerikalı araşdırmaçı-yazar Tomas Qoltz da iştirak edib.
Tahir Gözəl manat devalvasiyasının "Qarabağ"a təsir etmədiyini bildirib:
"Bunun bizə təsiri oldu. Amma "Qarabağ"a heç bir təsir etməyəcək. "Azersun"un Avropaya ixracatı var, amma azdır. Şirkətə müəyyən qədər təsir etdi, amma komandaya yox".
"Neftçi"dəki sistem dəyişikliyinə də münasibət bildirən Gözəl "Qarabağ"da Müşahidə Şurasının yaradılmayacağını söyləyib:
"Neftçi"də sistem dəyişib. Onlara uğurlar arzu edirik. İndiki şəxslər çox uğurlu insanlardılar. Çingiz müəllim də yaxşı insandı. Mən həmişə istəmişəm ki, "Neftçi" yaxşı səviyyədə olsun. Tahir Gözəli tanıyanlar bilir ki, mənim üçün bütün liqa oyunları bir yana, "Neftçi"nin oyunu bir yanadır. "Qarabağ" - "Neftçi" oyunu şirlərin savaşıdır. "Bizdə Müşahidə Şurası yaradılmayacaq. Çünki biz öz sistemimizdən məmnunuq. Biz bir ailəyik. İşlərimiz də yaxşı gedir. Qurduğumuz sistemdən razıyıq və dəyişmək fikrimiz yoxdur".
Tarix
2015.04.11 / 00:40
|
Müəllif
Emin Aslanlı
|